Ons storie het begin, toe twee paaie mekaar kruis. By die Matriekafskeid het ons saam gestap, sonder om te weet hoeveel paaie nog vir ons wag. Ons het saam plekke ontdek, gelag, gedroom en herinneringe gebou. Maar die mooiste deel van ons reis was toe ons saam vir God leer ken het. Ons het die Here ontmoet, saam gegroei in geloof en liefde. Ons liefde het dieper geword, nie net vir mekaar nie, maar ook vir God. En op ’n plek naby my hart, in Mozambique, het “ek is lief vir jou” verander na "wil jy met my trou?". Nou staan ons op die drumpel van ’n nuwe hoofstuk. Twee lewens wat een word, ’n verbond saam met God, ’n liefdesverhaal wat nog lank nie klaar geskryf is nie.